صلاة وسلاماً على نبي .. ضناني شوقو شواني شي

صلاة وسلاماً على نبي .. ضناني شوقو شواني شي
نسبتو عدنان ومن قصي .. محمد الطاهر الذكي
*~*~*
صلاة وسلام لي محمدا .. خاتم الكرام سيدي احمدا
يا لساني قول الله واحدا .. حاشا لم يغب لا لو والدا
*~*~*
اثني بالرسول المؤيدا .. التقي الرؤوف الممجدا
كامل الفصاح والمحامدا .. صاحب اللواء وصاحب الردي
*~*~*
ليك الوقاف يا محمدا .. للكرب كشاف يا محمدا
السلام ارداف لي محمدا .. مني ليك آلاف يا محمدا
*~*~*
ليله الولود خر ساجدا .. طاهرا نظيفا مبردا
مكسي بالجمال وجهو يوقدا .. افلجا كحيل غير اثمدا
*~*~*
طرفك الكحيل يا محمدا .. شرعك العديل يا محمدا
حاشا ما بيميل يا محمدا .. جيتنا بالدليل يا محمدا
الجذع رزم لي محمدا .. والجماد نظم لي محمدا
المنير قسم لي محمدا .. خر وانقسم لي محمدا
*~*~*
طالبات النبي المحبوب .. قوافل درجن يادوب
نبينا الهاشمي المنسوب .. بلاهو الجنة مالها دروب
*~*~*
سلام يا مركز المرعوب .. هارب من ذنوبي هروب
بدور في جاهك المو دوب .. شفاعتك عامة واجبة وجوب
*~*~*
احمد صادق الميعاد .. طاهر النسبه والميلاد
ود العز من الاجداد .. فاق البدر الدجي الوقاد
*~*~*
نبيا مو كثير رقاد .. قايم الليل دوام سجاد
حبك في الضمير هراد .. جلب ناساً مسافة بعاد
*~*~*
يا رب حلل الاقياد .. قبل الموت يتم لي مراد
انظر كوكبو الوقاد .. وفي الروضة اضوق لي قعاد
*~*~*
يووم الخلائق تبكي وتتوجع .. شاخصين عرايا والحر يصفع
والقلب راجف والعين تدمع .. للرسل جينا نشكي ونتوقع
*~*~*
جيناهو جملة سيدنا المبرقع .. من حينو ساجد لي ربو يركع
قال الاله لي راسك ارفع .. قوم يا محمد شفع واشفع
*~*~*
الماحي نور القبلتين .. سمح الخدود ناير الجبين
شمس النهار يوما التبين .. يخفاها بي وجهو الحسين
*~*~*
افلج مزجي الحاجبين .. البدر قمر السبعتين
الشامة فوق عاتقو اليمين .. شوفتو بتسر الناظرين
*~*~*
ادناهو رب العالمين .. ملاهو زادو علوم ودين
اصبحت بالحرز الحصين .. في مكة بي خيراً مبين
*~*~*
بالحق اسمك يارب عظم .. لي احمد نبينا صلي وسلم
عدد النهار والليل ما يظلم .. وعدد الخلايق كافر ومسلم
عدد النبات للكمون وسمسم .. ماطاف حجيجاً في مكة محرم
راويها عبدا بي ذنوبو مجرم .. الماحي بيها لي سيدو يخدم
*~*~*
متلك في الخلايق لايكون لا كان .. اياكا المكرم وارجحهم ميزان ..
ربك شرفك خصاك بالقران .. من زمن الخليل راجيك بدورلي ضمان ..